படித்ததில் பிடித்தது

ஆடம்பர பக்தி. எளிய பக்தி….இதில் எதைக் கடவுள் விரும்புகிறார்?

          விருப்பு வெறுப்பினைக் கடந்தவர் கடவுள். வேண்டியவர், வேண்டாதவர் என்ற பாகுபாடு அவருக்கு கிடையாது. பக்தி என்பது அவரவர் மனதினைப் பொறுத்த விஷயம்.  ஆடம்பரமாய்ச் செய்தால் பலன் அதிகம் என்றோ, எளிமையாகச் செய்தால் பலன் குறைவு என்றோ எண்ணத் தேவையில்லை. உள்ளத் தூய்மையே பக்திக்கு தேவை.

மன்னர் கட்டிய கோயிலை விட பூசலார் நாயனார் கட்டிய மனக் கோயிலினையே சிவன் விரும்பி ஏற்றுக்கொண்டதாக பெரிய புராணம் சொல்கிறது.  பொருளாதாரம் ஆரம்பித்தால் ஆடம்பரமாக வழிபடுங்கள்.  இல்லாவிட்டால் எளிமையாக வழிபடுங்கள். எதுவானாலும் உள்ளன்போடு  செய்தால் இறைவன் மகிழ்வுடன் ஏற்றுக் கொள்வார்.