Skip to main content

சாயி தர்மம்



உலகில் இன்றைக்கு மட்டுமல்ல, ஆதி காலத்திலிருந்தே ஆன்மிகம் இளைஞர்களால்தான் எழுச்சியடைந்திருக்கிறது என்பதை சமய வரலாறுகளைப் படித்தவர்கள் அறியலாம்.
இளைஞர்களின் செயல்திறன், உத்வேகம், கறைபடியாத இரத்தம், அவர்களின் நோக்கு போன்றவை இந்த சாதனைகளை எட்டிப்பிடிக்க வைத்தது. அதனால்தான் விவேகானந்தர் எனக்கு நூறு இளைஞர்களைக் கொடுத்தால் போதும், இந்தியாவை மாற்றி அமைத்து விடுவேன் என்று கூறினார்.
வயது ஆக ஆக செயல்திறன் குறைந்து சொற்பொழிவு ஆற்றும் நிலைக்கு ஆன்மிக வாதிகள், பெரியோர்கள் வந்துவிடுவதால் அவர்களால் வேகமாக ஆன்மப் பணிசெய்ய முடிவதில்லை.
விவேகானந்தர் முப்பதேழு ஆண்டுகள்பூமியில் வாழ்ந்தார். அதற்குள் இந்து சமயத்தை கடல்கடந்து பரவச் செய்தார். இயேசு கிறிஸ்து 33 ஆண்டுகள் வாழ்ந்தார். உலகத்தைத் திரும்பிப் பார்க்க வைக்கும் அளவுக்கு ஆன்மிகத்தைப் போதித்தார். புத்தர் இளம் வயதில் தான் துறவு மேற்கொண்டு சமூகத்தை மாற்றினார். ஸ்ரீ ராமன் இளைஞராக இருந்த காலத்தில்தான் இதிகாச வேந்தனாக உயர்ந்தார். இராவண வதத்திற்குப் பிறகும், சீதையின் மறைவுக்குப் பிறகும் நெடுங்காலம் வாழ்ந்தாலும் அவரது வாழ்க்கையில் சுவையில்லை. கண்ணபிரான் இளைஞராக இருந்த காலத்தில்தான் உலகை திரும்ப வைத்தார்.
மாவீரன் அலெக்சாண்டர் போன்ற மாவீரர்கள் கூட இளம் வயதில் சாதித்தார்கள். ஆக. இளம் வயது என்பது சாதிக்கின்ற வயது; இலக்குகளை நோக்கி வேகமாகப்பயணிக்கிற வயது; தடைகளைத் தகர்த்து வெற்றியை நோக்கிச் செல்கிற வயது. இந்த வயதில் ஆன்மிகப் பயணத்தைத் தொடர்ந்தால் வெற்றி பெற முடியும்.
இதேபோல, எவ்வளவு காலம் வாழ்ந்தாலும் குறுகிய காலத்தில்தான் சாதனைகள் நிகழ்த்தப்பட்டன. பாபா 1909 - 1910 முதல்தான் கடவுளாக வணங்கப்பட்டார் என ஆதாரங்கள் கூறுகின்றன. எட்டு ஆண்டு காலத்தில்தான் அவர் முழுமையாக உணரப் பட்டார்.
இந்த வாலிப வயதும் மிகக் குறுகிய காலமே நிலைக்கக்கூடியது என்பதால், வாலிபர்களாக இருக்கிற நீங்கள் இந்த சாயி தர்மத்தைத்தோளில் சுமக்க வரவேண்டும். சாயி தர்மம் என்பது பெரிய விஷயமல்ல, தியாகம்; பிறருக்காக வாழ்தல், நம்மால் முடிந்ததைச்செய்தல் போன்றவை மட்டுமே!
இதை இப்போது நாம் நமது கையில் எடுக்கிறோம், செயல்படுகிறோம். சாயி தரிசனத்தில் இளைஞருக்கான பகுதிகள் ஒதுக்கப்பட உள்ளன. இதில் புதிய விஷயங்களைக் கொண்டு வர உங்களின் அறிமுகத்தையும் தொடர்பை யும் ஆவலுடன் எதிர்பார்க்கிறேன்.

Popular posts from this blog

தடையை வெல்லும் தாரக மந்திரம்

அன்பான சாயியின் பிள்ளையே! தடைகள்என்பவை நம்மை அடுத்த கட்டத்திற்கு அழைத்துச் செல்ல ஆயத்தம் செய்கிறவிசயம்.எனவே தடை வரும்போது தைரியத்தை இழந்து விடாமல், அடுத்த இலக்கைநோக்கிப் பாய்வதற்குத்தயாராக இருக்கவேண்டும். அதுவும் சாயி பக்தர்கள் என்பவர்கள் சாமான்யமானாவர்கள் கிடையாது. அவர்கள் புண்ணியம் மிகுந்தவர்கள். பாவங்களும், கர்ம கெடுவினையும்தீர்ந்த ஒருவன்தான் சாயி வழிபாட்டை எய்த முடியும் என்று பாபாவே உனக்குச் சொல்லியிருக்கிறார்.இப்போது நீ செய்யவேண்டியதெல்லாம், சோர்வை நீக்கி புத்துணர்ச்சி பெறவேண்டியதுதான். மனிதர்கள் போடும் தடைகள் மலைகள் அல்ல,
தாண்டுவதற்குச் சிரமமாக இருக்கும் என்று மலைத்து நிற்பதற்கு. அவையெல்லாம் மடை திறந்த வெள்ளத்தின் முன்னால் கையால் அள்ளிப் போடப்பட்டுள்ள மணல் குவியலைப் போன்றவை. உன்னை அவைதடுத்து நிறுத்திவிட முடியாது என்பதை தைரியமாக நினைத்துக் கொள்.. சிந்தனையை ஒருமுகப் படுத்துதைரியத்தை வரவழை.. கோழைகளைப் போலகூப்பாடு போடாமல், செயலாற்றத் தயாராகு. தடை தளர்ந்து போகும்.
பாபா என்ன சொன்னார் தெரியுமா? நீ தண்டால் எடுக்க ஆரம்பி. (கடுமையானப் பயிற்சி) பாலைப்பற்றிய கவலை (பலன் பற்றிய கவலை)உனக்குவேண்டா.…

சாய் சத்சரித்திரம் பயன்படுத்த ஒன்பது சிறந்த வழிகள்

சாய் சத்சரித்திரம் பயன்படுத்த ஒன்பது சிறந்த வழிகள்


எப்படி சாயி பக்தர்கள் ஸ்ரீ சாயி சத்சரித்த்தினை பயன்படுத்த வேண்டும் என்பதில் உள்ள சிறந்த ஒன்பது வழிகளை இங்கே பார்க்கலாம்:
1. சாயி சத்சரித்திரம் புத்தகத்தில் (அது என்ன மொழி புத்தகமாக இருந்தாலும் பரவாயில்லை), அதனை ஒரு அழகான துணியினால் மடித்து, பாபா புகைப்படம் அல்லது சிலை அருகே (வீட்டில் என்ன வைத்து வழிபடுகிறோமோ அதன் முன்னர்) மிகப் புனிதமாக கருதி வைத்து வழிபட வேண்டும் .
2. வீட்டிலோ அல்லது வேறு எங்கு இருந்தாலும், தினசரி இரவு எப்போதும் தூங்க செல்லும் முன், ஒவ்வொரு இரவும் சாயி சத்சரித புத்தகத்தின் ஒரு சில பக்கங்களை படிக்க வேண்டும் . ஒவ்வொரு பக்தரும் தூங்கச் செல்லும் முன் கடைசியாக சிந்தனை என பாபாவினை மனதில் வைக்க முயற்சிக்க வேண்டும் .
3. ஏதேனும் சங்கடம் ஏற்படின், ஸ்ரீ சாயி சத்சரித்திரத்தில்குறிப்பிடப்பட்டுள்ளது போல் , ஒரு வாரம் தீவிரமாக வாசிக்க வேண்டும் முடிந்தவரை வாசிப்பு ஒரு வியாழக்கிழமை அல்லது வேறு சில சிறப்பு நாட்களில் தொடங்க வேண்டும்.சிறப்பு நாட்கள் என்றால் ராமநவமி , தசரா , குருபூர்ணிமா , ஜன்மாஷ்டமி , மஹாசிவராத்திரி , நவராத்திரி , முதலியன ஆக…

தடையை வெல்லும் தாரக மந்திரம்

அன்பான சாயியின் பிள்ளையே! தடைகள்என்பவை நம்மை அடுத்த கட்டத்திற்குஅழைத்துச் செல்ல ஆயத்தம் செய்கிற விசயம்.எனவே தடை வரும்போது தைரியத்தை இழந்துவிடாமல், அடுத்த இலக்கை நோக்கிப் பாய்வதற்குத்தயாராக இருக்கவேண்டும். அதுவும் சாயி பக்தர்கள் என்பவர்கள் சாமான்யமானவர்கள் கிடையாது. அவர்கள் புண்ணியம்மிகுந்தவர்கள். பாவங்களும், கர்ம கெடுவினையும்தீர்ந்த ஒருவன்தான் சாயி வழிபாட்டை எய்த முடியும்என்று பாபாவே உனக்குச் சொல்லியிருக்கிறார். இப்போது நீ செய்யவேண்டியதெல்லாம்,சோர்வை நீக்கி புத்துணர்ச்சி பெறவேண்டியதுதான்.