Skip to main content

சாயிநாதனுக்கு திருப்பள்ளி எழுச்சி!




சீரடி வாழ்கின்ற சீலனே சின்மயனே
காலடி தேடிவரும் பக்தர்க்கு அருள்பவனே
மூவடி அளந்திட்ட நாராயணன் அவதாரமே
திருப்பள்ளி எழுந்தருள்வாய் சீரடி சாயிநாதனே

விழிமலர்வாய் விழிமலர்வாய்
விடியலுக்கு  விடைகொடுப்பாய்
விழிமலர்வாய் துவாரகமாயியில் அருள் பொழிவாய்
விழிமலர்வாய் திரு அருட்பார்வையுடன் விழிமலர்வாய்
திருப்பள்ளி எழுந்தருள்வாய் சீரடி சாயிநாதனே

ராம நவமியில் உதித்தவனே ஸ்ரீரகுநாதனே
காமக் குரோதங்களை வென்றவனே கமலாக்ஷனே
நியம நிஷ்டையுடன் பாடிடுவேன் உன் திருநாமமே
திருப்பள்ளி எழுந்தருள்வாய் சீரடி சாயிநாதனே

அருள் உதியால் அரும் பிணி போக்கிடும் ஆனந்த ரூபணே
வரும்   பகையை விரட்டிடும் ஸ்ரீசக்ர ராஜனே
வரம்தரும் திருப்பாதம் சீரடி மண்ணிலே
திருப்பள்ளி எழுந்தருள்வாய் சீரடி சாயிநாதனே

அணுவிலும் அணுவாய் அண்டமெலாம் நிறைந்தாய்
கனவிலும் நனவிலும் நினைவிலும் நீ நிறைந்தாய்
கனிந்திடும் அனலும்குளிர்ந்ததே துனியாய்
திருப்பள்ளி எழுந்தருள்வாய் சீரடி சாயிநாதனே

பரமேஸ்வரா பரந்தாமா பராத்பரா பரமாத்மா
குருபரா குருநாதா குறைதீர்க்கும் கோவிந்தா
அருளோடு அற்புத அனுபவம் தந்தவா
திருப்பள்ளி எழுந்தருள்வாய் சீரடி சாயிநாதனே

தத்தாத்ரேயர் அவதாரம் தரணியில் நீயன்றோ
சத்யரூபனே சித்தேஸ்வரனே ஸ்ரீசாயி நாதனே
நித்ய நிரஞ்சன நிர்மலனே சாந்த ஸ்வரூபனே
திருப்பள்ளி எழுந்தருள்வாய் சீரடி சாயிநாதனே

ஆலடி அமர்ந்த தென்முகனே சாயிநாதனே
எளியோர்க்கு இறங்கிடும் ஏகாந்தனே ஏற்றம் தருபவனே
அழிவற்ற ஆத்மஞானம் அருளிடும் வள்ளலே சாயிநாதனே
திருப்பள்ளி எழுந்தருள்வாய் சீரடி சாயிநாதனே

வேம்பில் அமர்ந்த வித்தகனே வேதநாயகனே
நாவில் நடமிடும் ஓம்காரம் உன் நாமமே
சீரடியில் உன்னடியை தினம் காணும் வரம் வேண்டுமே
திருப்பள்ளி எழுந்தருள்வாய் சீரடி சாயிநாதனே

விதியிலும் வழிமாற்றும் என் தாயும் நீயே
கதியென வந்தோர்க்கு குருநாதனும் நீயே
உதியாலே மெய் காத்த உத்தமனும் நீயே
திருப்பள்ளி எழுந்தருள்வாய் சீரடி சாயிநாதனே

நானிருக்க பயமேன் என்று நானிலத்தைக் காத்தவனே
காற்றாய் கனலாய் மழையாய் ஆனவனே
அற்புதங்கள் அனுதினமும் செய்தவனே யோகிரானே
திருப்பள்ளி எழுந்தருள்வாய் சீரடி சாயிநாதனே

கந்தலே ஆடையாய் பிக்ஷையே அன்னமாய் கொண்டவனே
தந்தையாய் தாயாய் ஞானகுருவுமாய் ஆன சுடர்விளக்கே
விந்தையே வடிவமாய் இமயமே குணமாய் கொண்டவனே
திருப்பள்ளி எழுந்தருள்வாய் சீரடி சாயிநாதனே

விஷ்ணுவின் நாமம் ஆயிரத்தை ஜீவனில் கரைத்தவனே
அஷ்ட ஐஸ்வர்யம் தந்திடும் ஸ்ரீதேவி நாதனின் அவதாரமே
இஷ்ட காரியங்கள் கஷ்டமில்லாமல் நடத்திடும் சங்கரனே
திருப்பள்ளி எழுந்தருள்வாய் சீரடி சாயிநாதனே

உன்னருளால் அகிலத்தில் ஆனந்த மழை பொழிவாய்
அழைத்ததும் வருவாய் ஆயுள் ஆரோக்கியம் அருள்வாய்
சீரடி வருவோர்க்கு இருள் நீக்கி வழிகாட்டிடுவாய்
திருப்பள்ளி எழுந்தருள்வாய் சீரடி சாயிநாதனே

அன்பே வடிவமாய் ஆருயிர் காத்த
சாயிபகவான் சுப்ரபாதம்தனை
பாடுவோர்க்கும் கேட்பவர்க்கும்
சர்வமங்களம் கைகூடும்
சீரடி வாசனை தேடி வரும் அடியார் அருள்பெறவே
திருப்பள்ளி எழுந்தருள்வாய் சீரடி சாயிநாதனே

Popular posts from this blog

தடையை வெல்லும் தாரக மந்திரம்

அன்பான சாயியின் பிள்ளையே! தடைகள்என்பவை நம்மை அடுத்த கட்டத்திற்கு அழைத்துச் செல்ல ஆயத்தம் செய்கிறவிசயம்.எனவே தடை வரும்போது தைரியத்தை இழந்து விடாமல், அடுத்த இலக்கைநோக்கிப் பாய்வதற்குத்தயாராக இருக்கவேண்டும். அதுவும் சாயி பக்தர்கள் என்பவர்கள் சாமான்யமானாவர்கள் கிடையாது. அவர்கள் புண்ணியம் மிகுந்தவர்கள். பாவங்களும், கர்ம கெடுவினையும்தீர்ந்த ஒருவன்தான் சாயி வழிபாட்டை எய்த முடியும் என்று பாபாவே உனக்குச் சொல்லியிருக்கிறார்.இப்போது நீ செய்யவேண்டியதெல்லாம், சோர்வை நீக்கி புத்துணர்ச்சி பெறவேண்டியதுதான். மனிதர்கள் போடும் தடைகள் மலைகள் அல்ல,
தாண்டுவதற்குச் சிரமமாக இருக்கும் என்று மலைத்து நிற்பதற்கு. அவையெல்லாம் மடை திறந்த வெள்ளத்தின் முன்னால் கையால் அள்ளிப் போடப்பட்டுள்ள மணல் குவியலைப் போன்றவை. உன்னை அவைதடுத்து நிறுத்திவிட முடியாது என்பதை தைரியமாக நினைத்துக் கொள்.. சிந்தனையை ஒருமுகப் படுத்துதைரியத்தை வரவழை.. கோழைகளைப் போலகூப்பாடு போடாமல், செயலாற்றத் தயாராகு. தடை தளர்ந்து போகும்.
பாபா என்ன சொன்னார் தெரியுமா? நீ தண்டால் எடுக்க ஆரம்பி. (கடுமையானப் பயிற்சி) பாலைப்பற்றிய கவலை (பலன் பற்றிய கவலை)உனக்குவேண்டா.…

சாய் சத்சரித்திரம் பயன்படுத்த ஒன்பது சிறந்த வழிகள்

சாய் சத்சரித்திரம் பயன்படுத்த ஒன்பது சிறந்த வழிகள்


எப்படி சாயி பக்தர்கள் ஸ்ரீ சாயி சத்சரித்த்தினை பயன்படுத்த வேண்டும் என்பதில் உள்ள சிறந்த ஒன்பது வழிகளை இங்கே பார்க்கலாம்:
1. சாயி சத்சரித்திரம் புத்தகத்தில் (அது என்ன மொழி புத்தகமாக இருந்தாலும் பரவாயில்லை), அதனை ஒரு அழகான துணியினால் மடித்து, பாபா புகைப்படம் அல்லது சிலை அருகே (வீட்டில் என்ன வைத்து வழிபடுகிறோமோ அதன் முன்னர்) மிகப் புனிதமாக கருதி வைத்து வழிபட வேண்டும் .
2. வீட்டிலோ அல்லது வேறு எங்கு இருந்தாலும், தினசரி இரவு எப்போதும் தூங்க செல்லும் முன், ஒவ்வொரு இரவும் சாயி சத்சரித புத்தகத்தின் ஒரு சில பக்கங்களை படிக்க வேண்டும் . ஒவ்வொரு பக்தரும் தூங்கச் செல்லும் முன் கடைசியாக சிந்தனை என பாபாவினை மனதில் வைக்க முயற்சிக்க வேண்டும் .
3. ஏதேனும் சங்கடம் ஏற்படின், ஸ்ரீ சாயி சத்சரித்திரத்தில்குறிப்பிடப்பட்டுள்ளது போல் , ஒரு வாரம் தீவிரமாக வாசிக்க வேண்டும் முடிந்தவரை வாசிப்பு ஒரு வியாழக்கிழமை அல்லது வேறு சில சிறப்பு நாட்களில் தொடங்க வேண்டும்.சிறப்பு நாட்கள் என்றால் ராமநவமி , தசரா , குருபூர்ணிமா , ஜன்மாஷ்டமி , மஹாசிவராத்திரி , நவராத்திரி , முதலியன ஆக…

தடையை வெல்லும் தாரக மந்திரம்

அன்பான சாயியின் பிள்ளையே! தடைகள்என்பவை நம்மை அடுத்த கட்டத்திற்குஅழைத்துச் செல்ல ஆயத்தம் செய்கிற விசயம்.எனவே தடை வரும்போது தைரியத்தை இழந்துவிடாமல், அடுத்த இலக்கை நோக்கிப் பாய்வதற்குத்தயாராக இருக்கவேண்டும். அதுவும் சாயி பக்தர்கள் என்பவர்கள் சாமான்யமானவர்கள் கிடையாது. அவர்கள் புண்ணியம்மிகுந்தவர்கள். பாவங்களும், கர்ம கெடுவினையும்தீர்ந்த ஒருவன்தான் சாயி வழிபாட்டை எய்த முடியும்என்று பாபாவே உனக்குச் சொல்லியிருக்கிறார். இப்போது நீ செய்யவேண்டியதெல்லாம்,சோர்வை நீக்கி புத்துணர்ச்சி பெறவேண்டியதுதான்.